2014年4月15日 星期二

旅行機票酒店邊度買好?

近年捨得旅行出國的朋友比較多
以下是我自己訂機票訂酒店的經驗
不是早訂或訂特價票,一般是package比較化算。
我個人沒訂過限出發回程日期的團體票,暫沒試過機場取機票。那種一般來說是最便宜沒錯,但限制最多。
Package,不得不說,有些旅行社食水幾深下… 只能說貨比三家,網上有的就上網睇,沒就跑一趟或電郵拿幾家的單張。
最好自己看看航空公司機票錢跟酒店官網的價錢

CX holiday
是專做cx的package
我個人覺不錯,確實訂單速度最快,最快拿到機票酒店確認單。
不好的地方在酒店必要落地果日開始住,package包四晚,就要一連住四晚。想斷開住是做唔到的。呢點對我個人來說非常唔方便,我經常中途東跑西跑。
另外它的hotline是極難找到人聽,電郵覆得幾慢下(大概預隔一日先覆)。
價錢方面,不算最便宜,合理價,送旅遊保。

EGL
幫襯過幾次,正正常常。職員接待非常熟手同快。確實酒店訂單速度一般。但最近有同機同酒比同業貴的情況出現。
不好處是自遊行排隊排到死,平日也能要排隊。我試過排兩小時為了付package尾數。
若你想住的酒店官網無位,EGL多數重book到。
相反報團就職員很多,不用排,直出直入,非常快速。但對團內容介紹很一般,其實都確實左報,只不過落到去就問清楚d,就講兩句叫你慢慢睇。直到我話立刻報,面口好好多,好好招呼。
遇過一次團交尾數是新人,有人帶,雖然慢好多,但招呼好好多。
學聯
好耐無去,無招呼,要排下隊。酒店爭位最難爭到(網上訂唔到,佢可能都拎唔到),但大概三日都覆到,趕訂(7-10日後飛)佢都ok。

認識有人近期book韓國package,正常package無位,職員都好力搵"團體package"
 對方說那職員甩漏很多,像不斷打錯名,最後也漏給東西就是
對方也說確認時間只要3日,很快

永安
用過一次,麻麻地啦。我個人旅程出問題同呢間結怨,除非佢特別平,否則無事唔會再係呢間訂package。

縱橫遊
網上見佢同專業最平,因為太遲發現近活動地方的專業同價,只好幫襯它。

自由行萬年無人,相比EGL職員好得閒。
但唔熟行咁,唔知跟我果個新人定點。
其實有心做你生意,但我預到的唔好預會俾酒店意見你。

確實到要你交尾數要成5日(佢話兩三日喎,真係2+3日),都幾耐下,交尾數唔知點解要搵返接單果個,所以佢會話埋你知佢邊日放假。
去到交尾數,佢問緊同事野,隔離職員得閒又真係要我搵返佢交。
(其實是不是新人訓練緊,所以要同一人跟?)

交尾數果陣,佢一野就講尾數的總數,要我交錢,我當然有自己計下啦…
其實佢一早計好mark低左,佢都有自己計多幾次
但最好當然對住我計,寫明我原本幾多,訂金交左幾多,尾數要幾多啦
Tax又係佢講尾數,佢自己係位計計計。
好的地方是他一望就記得你,呢點都幾好。(但我兩次去自由行都無其他客…)
因為分店少,我揀左email收機票酒店紙,隔兩三日就收到

雖然我話自由行果堆hea hea地俾唔到意見跟唔熟行。
但我見另一人接電話,對方問好多野都好耐性答,算係咁。

交尾數時見團果邊全部阿婆級報團,團果d sale得好緊要,好熟行架,我差d以為佢街邊sale野。咩唔係我懶唔介紹,係因為大阪同名古屋都係大城市喎。
我果刻好想八過去問,若果我報純大阪團,你會唔會都話大城市唔駛介紹?
果刻覺得,我都係搵人幫我訂野,佢無咩意見都幾好。

題外話
縱橫遊個人好誠實咁講係另一邊訂。
其實我一向都知,package大行接單,group埋一堆,交細行仔訂。所以大行唔係package食就係tax度食。
Cx holiday 訂,一次訂幾人,旅協指定手續費$90收一次,若訂3人也只收$90。大行就分開每人去收,所以大行tax會貴d。

機票
若訂機票,我個人喜歡自己上航空公司官網訂。
日期價錢,一日航班時間,機型全能選擇。
簡單又快捷,幾個step就訂好。

酒店
官網,hotel.com, adoga, jalan, 樂天,全用過。
覺得除選最便宜外,選自己方便的就好。
方便過搵旅行社訂,多即日或隔日能確認。